GP:पंचास्तिकाय संग्रह-सूत्र - गाथा 53 - समय-व्याख्या
From जैनकोष
जीवस्य भाववशात्सादिसनिधनत्वेऽ*द्यनिधनत्वे च विरोधपरिहारोऽयम् । एवं हि पंचभिर्भावै: स्वयं परिणममानस्यास्य जीवस्य कदाचिदौदयिकेनैकेन मनुष्यत्वादिलक्षणेन भावेन सतो विनाशस्तथापरेणौदयिकेनैव देवत्वादिलक्षणेन भावेन असत उत्पादो भवत्येव । एतच्च 'सतो विनाशो नासत उत्पाद' इति पूर्वोक्तसूत्रेण सह विरुद्धमपि न विरुद्धम्; यतो जीवस्य द्रव्यार्थिकनयादेशेन न सत्प्रणाशो नासदुत्पा:, तस्यैव पर्यायार्थकनयादेशेन सत्प्रणाशोऽसदुत्पादश्च । न चैतदनुपपन्नम्, नित्ये जले कल्लोलानामनित्यत्वदर्शनादिति ॥५३॥