GP:पंचास्तिकाय संग्रह-सूत्र - गाथा 43 - समय-व्याख्या
From जैनकोष
द्रव्यस्य गुणेभ्यो भेदे, गुणानां च द्रव्याद᳭भेदे दोषोपन्यासोऽयम् । गुणा हि क्वचिदाश्रिता: । यत्राश्रितास्तद᳭द्रव्यं । तच्चेदन्यद᳭गुणभ्य: । पुनरपि गुणा: क्वचिदाश्रिता: । यत्राश्रितास्तद᳭द्रव्यं । तदपि अन्यच्चेदगुणेभ्य: । पुनरपि गुणा: क्वचिदाश्रिता: । यत्राश्रितास्तद᳭द्रव्यं । तदप्यन्यदेव गुणेभ्य: । एवं द्रव्यस्य गुणेभ्यो भेदे भवति द्रव्यानंत्यम् । द्रव्यं हि गुणानां समुदाय: । गुणाश्चेदन्ये समुदायात्, को नाम समुदाय: । एवं गुणानां द्रव्याद᳭भेदे भवति द्रव्याभाव इति ॥४३॥