भाई! ज्ञान बिना दुख पाया रे: Difference between revisions
From जैनकोष
(New page: भाई! ज्ञान बिना दुख पाया रे<br> भव दशआठ उस्वास स्वास में, साधारन लपटाया रे।...) |
(No difference)
|
Revision as of 04:11, 11 February 2008
भाई! ज्ञान बिना दुख पाया रे
भव दशआठ उस्वास स्वास में, साधारन लपटाया रे।।भाई. ।।
काल अनन्त यहाँ तोहि बीते, जब भई मंद कषाया रे ।
तब तू तिस निगोद सिंधूतैं, थावर होय निसारा रे ।।भाई. ।।१ ।।
क्रम क्रम निकस भयो विकलत्रय, सो दुख जात न गाया रे ।
भूख प्यास परवश सहि पशुगति, वार अनेक विकाया रे ।।भाई. ।।२ ।।
नरकमाहिं छेदन भेदन बहु, पुतरी अगन जलाया रे ।
सीत तपत दुरगंध रोग दुख, जानैं श्रीजिनराया रे ।।भाई. ।।३ ।।
भ्रमत भ्रमत संसार महावन, कबहूँ देव कहाया रे ।
लखि परविभौ सह्यौ दुख भारी, मरन समय बिललाया रे ।।भाई. ।।४ ।।
पाप नरक पशु पुन्य सुरग वसि, काल अनन्त गमाया रे ।
पाप पुन्य जब भये बराबर, तब कहुँ नरभव पाया रे ।।भाई. ।।५ ।।
नीच भयो फिर गरभ खयो फिर, जनमत काल सताया रे ।
तरुणपनै तू धरम न चेतै, तन-धन-सुत लौ लाया रे ।।भाई. ।।६ ।।
दरवलिंग धरि धरि बहु मरि तू, फिरि फिरि जग भ्रमि आया रे ।
`द्यानत' सरधाजुत गहि मुनिव्रत, अमर होय तजि काया रे ।।भाई. ।।७ ।।