ध्यान कृपान पानि गहि नासी: Difference between revisions
From जैनकोष
(New page: ध्यान कृपान पानि गहि नासि, त्रेसठ प्रकृति अरी ।<br> शेष पचासी लाग रही है, ज्...) |
(No difference)
|
Latest revision as of 06:17, 10 February 2008
ध्यान कृपान पानि गहि नासि, त्रेसठ प्रकृति अरी ।
शेष पचासी लाग रही है, ज्यौं जेवरी जरी ।।ध्यान. ।।
दुठ अनंग मातंग भंगकर, है प्रबलंगहरी ।
जा पदभक्ति भक्तजनदुख-दावानल मेघझरी।।१ ।।ध्यान. ।।
नवल धवल पल सोहै कलमें, क्षुधतृषव्याधि टरी ।
हलत न पलक अलक नख बढ़त न गति नभमाहि करी।।२ ।।ध्यान. ।।
जा विन शरन मरन जर धरधर, महा असात भरी ।
`दौल' तास पद दास होत है, वास मुक्तिनगरी।।३ ।।ध्यान. ।।